Да и дадеме на Изабела шанса за живот без болка!

Секој пат кога ја гледам мојата Изабела во болнички кревет, ми се леди крвта во жилите.?

Таа има само 10 години, а зад себе веќе четири тешки операции.
Четири пати беше под целосна анестезија. Четири пати го слушав истото срцепарателно „ќе видиме како ќе биде“...
И секој пат кога се будеше, се насмевнуваше – за да не нè повреди нас. А ние, неа ја тешевме со насмевка, а одвнатре се распаѓавме од болка.

Кога мислевме дека најлошото помина, дека конечно ќе може да има мирно детство… болеста повторно ја врати назад. Денес, Изабела чувствува силни болки во колкот, се движи тешко и веќе разбира сè.Знае дека повторно ја чекаат две големи операции – кршење на бутната коска и поставување на колкот во правилна положба со плочки и штрафови.

Таа е само дете кое сака да оди на училиште, да трча со другарчињата, да се смее без болка. А сега, најмногу што може е да седи и да сонува дека еден ден ќе може да чекори. ?

Затоа ви се обраќам од дното на моето срце – ве молам, помогнете и на Изабела.
Помогнете и повторно да застане на нозе, да има безболно детство, да живее како сите деца.

Сумата за нејзините операции е голема, но секој ваш денар, секое споделување, секоја молитва ни значи надеж.
Да не дозволиме болката да и ја украде насмевката.

? Ви благодарам на сите што ќе ја поддржат Изабела.
Вашата добрина е нашата последна надеж. ?