Продолжуваме за Марија

Јас сум мајката на Марија и со тешко, но полно со надеж срце, повторно ви се обраќам.

По оперативниот зафат во Турција, Марија помина шест месеци физикална терапија, а потоа продолживме со невророботска рехабилитација. По вчерашниот контролен преглед, лекарите ни препорачаа да продолжиме со нова серија роботска терапија, за Марија да може да направи уште еден чекор напред во животот. Овие третмани ѝ даваат шанса да се движи самостојно, без помош, да се врати на училиште, да оди сама со своите другари, да се дружи и да се радува на детството како и сите деца на нејзина возраст.

За новата серија роботска рехабилитација потребни се 3.000 евра, сума која за нас е преголем товар. Затоа ве молам, како мајка, да се сплотиме и да ѝ помогнеме на Марија. Секоја подадена рака, секоја донација и секоја добра мисла значат чекор поблиску до нејзината самостојност и посреќна иднина.
Од срце ви благодарам на сите. ❤️